Diablada
Diablada del fin del camino
currette p’’a strada sbagliata
ma a botta ’e sunna’ so’ arrivato
y me voy, yo me voy
me ne vaco addo’ ’a ggente me sente.
Se vede ’stu core perduto
si ’e sante cu’ ’e ceri appicciate
s’abbruciano uno cu’n ate
y nos vamos, ya nos vamos
ce ne jammo pe' pute' turna’.
Penziero: viene cu’ ’e mmane aizate
e cirche aiuto.
Po’ accumincia’ tutte cose doppo ca è fernuto.
’A ’uerra ha 'rrubbato de'mmane 'e sta terra
e ce ha fatto vede'
ca nun simmo suli io e tte.
’A freva ’ncopp’e spalle ’e dimane e d'ajere
'nfraceta tutte ’e mure si c’ha manna ’o cielo.
’A speranza è ’nu ciore ’mpietto,
lietto astritto addo' me vulesse cucca’.
Diablada del fin del camino
e mo’ chi ce crede si ajere
campàvamo ’e ’n ata manera
y me voy, yo me voy
me ne vaco addo’ ’a ggente me sente.
Pe’mare e deserti sperduti
’e vvote llà c'hanno lassato,
’stu core a balla’ ammo vuttato
y nos vamos, ya nos vamos,
ce ne jammo pe' pute’ turna’.
Penziero: viene cu’ ’e mmane aizate
e cirche aiuto.
Po’ accumincia’ tutte cose primma ca è fernuto.
’A ’uerra ha ’rrubbato de’mmane ’e sta terra
e ce ha fatto vede’
ca nun simmo suli io e tte.
’A freva ’ncopp'e spalle 'e dimane e d'ajere
'nfraceta tutte’e mure si c'ha manna’o cielo.
’A speranza è ’nu ciore ’mpietto,
lietto astritto addo' me vulesse cucca’.
Autor(es): Alessio Arena
